Reel ka full breakdown
Reel me maine bola tha ki poora system likh ke bhejta hoon. Ye raha — paanch agents, kaun kya karta hai, aur scoring aapki industry ke hisaab se kaise badalti hai.
Leads to aa rahi hain. Portal se, website form se, ads se, DM se.
Dikkat ye hai ki 40 leads me se pehle kisko call karna hai — ye decide karne me hi aadha din nikal jata hai. Aur jab tak decide hota hai, half list thandi ho chuki hoti hai.
Lead 10 minute me call na ho to wo aapki nahi rehti. Jo pehle call karta hai, customer usi ka ban jata hai.
Toh sawaal lead laane ka nahi hai. Sawaal ye hai ki jo aa chuki hai usko handle kaun kar raha hai.
Har agent ek hi cheez karta hai. Ek hi. Isi wajah se pata rehta hai ki kaunsa hissa kaam kar raha hai aur kaunsa nahi.
Portal, website form, ad leads, WhatsApp — jahan se bhi lead aayi, ek row ban jati hai. Ye agent judge kuch nahi karta, sirf sab kuch ek jagah laata hai.
Iska poora kaam itna hai ki kahin koi lead chhoot na jaye.
Ye decide karta hai ki kaun upar aayega. Serious kaun hai aur abhi sirf dekh kaun raha hai. Yahi agent hai jiski wajah se aapki subah ki list order me hoti hai.
Iska logic industry ke hisaab se badalta hai — neeche teeno alag se likha hai.
Log form theek se nahi bharte. Adhi baat comment me hoti hai, adhi DM me. Ye agent us bikhre hue text me se area, budget aur requirement nikaal ke proper column me daal deta hai.
Isi ke baad baaki sab kaam karta hai — bina detail ke na scoring banti hai na message.
Har lead ke liye pehla message draft karta hai — us lead ki apni detail use karke. Template bhej ke naam badalna nahi. Aapko sirf padhna hai aur bhej dena hai.
Approve aap karte ho. Agent bina pooche kisi ko kuch nahi bhejta.
Lead sahi bande tak pahunchati hai — property me location ke hisaab se, team me kiske paas kitna kaam hai uske hisaab se. Aur agar koi lead do ghante se untouched padi hai to wo upar push ho jati hai.
Akela banda ho to bhi kaam ka hai — untouched wala rule tab bhi chalta hai.
Sawaal wajib hai — ek hi prompt me sab karwa lo na?
Karwa sakte ho. Do din theek chalega. Phir ye hoga: score theek aayega par message bekaar, ya message accha par budget galat pick kiya. Aur aapko pata hi nahi chalega ki toota kahan hai, kyunki sab ek hi jagah ho raha tha.
Paanch alag agents ka fayda ye hai ki har ek ka kaam itna chhota hai ki usme galti karna mushkil ho jata hai. Agent 2 ko sirf rank karna hai — usse likhna nahi aata, aur aana bhi nahi chahiye.
Aur jab kuch off lage — maan lo scoring galat aa rahi hai — to sirf Agent 2 ko theek karna hai. Baaki chaar ko haath nahi lagana padta.
Har agent ka narrow hona uski kamzori nahi hai. Wahi wajah hai ki wo apne kaam me accha hai.
Agent 2 ka kaam har jagah same hai — rank karna. Par kis cheez pe rank karega, wo aapke business pe depend karta hai. Property me jo signal sabse strong hai, insurance me wo bekaar hai.
Seedha apni industry pe jao:
Har signal ke aage jo number hai wo 100 me se uska weight hai.
Property me Agent 2 kya dekhta hai
Property me Agent 2 do cheezon pe sabse zyada score deta hai — budget clarity aur site visit readiness. Baaki sab inke baad aata hai.
Jo banda range bata deta hai — '70 se 80 tak' — wo mann bana chuka hai. 'Dekhte hain, batao kya hai' wala abhi ghoom raha hai. Number aa gaya matlab soch ho chuki hai.
Sabse strong signal ye hai ki banda weekend ka slot maang le. Photos aur brochure maangna uske baad aata hai — wo interest hai, intent nahi.
'Sector 57' aur 'Gurgaon me kahin bhi' — dono ek jaisi lead nahi hain. Pehla teen hafte me close hota hai, doosra teen mahine me.
Pre-approved ho to timeline apne aap chhoti ho jati hai. Par ye bonus hai — iske bina bhi lead achhi ho sakti hai.
Pehle message ka jawab kitni jaldi aaya. Chhota signal hai, par muft me mil jata hai.
Jo cheezein log over-weight karte hain: kitni baar site dekhi aur kaunse portal se aaya. Dono se serious hone ka pata nahi chalta.
Poora system upar seInsurance me signal alag hote hain
Insurance me sabse strong signal renewal date hai aur uske baad existing cover. Agent 2 pehle wahi dekh ke rank karta hai — age aur income baad me aate hain.
Jiski policy teen hafte me expire ho rahi hai wo aaj baat karega. Jiski saat mahine baad hai wo abhi sirf poochh raha hai. Yahi ek cheez baaki sab se zyada matter karti hai.
Cover already hai matlab banda concept samajhta hai — usse sirf comparison chahiye. Zero cover matlab pehle basics samjhane padenge. Dono cases hain, par lambai alag hai.
Claim me dikkat aayi, tax bachana hai, ya ghar me baccha hua — koi trigger event ho to case do hafte me band hota hai. Bina wajah wala mahino chalta hai.
Zaroori hai — par premium decide karne ke liye, priority decide karne ke liye nahi.
Ye bhi wahi baat. Isse cover size nikalta hai, ye nahi ki pehle kisko call karna hai.
Age aur income sabse pehle poochhne ki aadat hoti hai. Wo dono cover ka size batate hain, call ka order nahi.
Poora system upar seCoaching me sabse badi galti fees ko signal maan lena hai
Coaching me lead ki value course fees se nahi banti, intent se banti hai. Agent 2 do cheezein dekhta hai — exam kitna paas hai aur parent involved hai ya nahi.
Do mahine bache hain to decision is hafte hoga. Gyarah mahine bache hain to abhi sirf pata kar raha hai. Same enquiry, bilkul alag urgency.
Jis enquiry me parent saath hai, wahan paisa decide karne wala already conversation me hai. Akela student ho to ek extra round lagta hai.
Repeat attempt wala student serious hota hai — usko convince nahi karna padta, sirf plan dikhana hota hai.
Jo batch chahiye wo chal raha hai ya nahi. Fit nahi hai to baaki sab achha hone ke bawajood case latakta hai.
Jawab kitni jaldi aaya. Chhota signal, par free me mil jata hai.
Course fees poochhna buying signal nahi hai. Sabse zyada log fees poochh ke hi gayab hote hain — isliye scoring me fees ka weight zero rakha hai.
Poora system upar seUpar jo weights likhe hain, wo isme already bhare hue hain. Teen tabs hain — property, insurance, coaching.
Har tab me ek example row bhi hai taaki dikh jaye ki 100 me se score banta kaise hai. Apni copy me weights badal sakte ho.
Link 'Make a copy' pe khulega — aapki apni copy banegi, meri original ko koi farak nahi padta.
Sheet as-is kaam kar jayegi — utha ke use kar lo. Apne business ke hisaab se scoring set karwani ho to message kar do, main dekh ke bata dunga ki kya badalna chahiye.
WhatsApp pe baat karoSeedha WhatsApp pe. Koi form nahi, koi email nahi.